قصيدة ماركـــــة !

يعني لو إني شايلة فايلLV
يمكن رصيدي بين هالناس يكبر؟

هذا التصنع خاطري ما يدانيه
لأن البساطة تبهر الناس أكثر

لو كان دمي من ذهب قلت مابيه
لو كان فكري لؤلؤي ما أفكر

الشعر همي والغريب إني أغليه!
والطيب ذنبي اللي ما يوم يــُغفر

ماهو تفلسف إني أكتب تشابيه
لأن التفلسف فوق الاوراق جوهر

ياروح روحي لاتقولين ( وليـــه )
لا الشعر سجن ولا الأحاسيس مخفر

بعطيج اسمي يالله تكحلي فيه
كتبيه يالله وخلي الكون يفخر