مو حرام ..
ينتثر دمع ٍ ..
من عيون ٍ لها طبع الغمام
مو حرام ..
تختفي الضحكة ثواني داخل كهوف الظلام ..
تنولد لحظة سكون ..
مابها نكهة سعادة وما لها ريح الخزام ..
مو حرام ..
يابعد كل من ضحك
على كتاباتي الرقيقات
العظام ..
يابعد كل من قطف لي من بساتين الكلام ..
أجمل كلام ..
يابعد نبض القصيدة ..
ياقصيدة ..
وزنها فاق المجرة
وكل روض ٍ غارق بزخات عطره
والمسره ..
ما لبسها خاطري ثوب ٍ يغطيله همومه
إلا يوم العين ذابت في شواطيــّه ..
وبحــره ..
ذاك بس اللي شروقه
من ورا حصن الهموم الشامخة
لحظة هدام ..
والهموم اللي تسولف مع بعضها داخلي
تفنى ..
تنام ..
في مقابرها تنام ..
مو حرام ..
تصمت شفاه الهنا
واحنا نشوف
عاذل البسمة يلبسنا من شروره
لثــام ..
أبشع الأوجه تكون أوجه حزننا
بعدما كانت
لمن ضيــّع مسارات الفرح
أكبر إمام ..
بعدما كانت عصافير البشاشة
فوق سدرة
لحظة الموعد تحوم ..
والمكان اللي يضم أجمل قلوب
يمتلي عزف ..
ورسوم ..
وانسجـــام ..
مو حرام ..
نصبح كبار ٍونزعل ..!
والشقاوة ..
دورها يصبح مؤجل ..!
خل نعيش
بلا قيود ٍمن سخافة ..
أو من المزحة ..
صيام ..
خلنا أطفال ..
أفضــــــل
نزعل ونرضى ..
وبعد نرضى ..
ونزعل ..
هكذا يافلان أجمل ..
والله ماتسوى ترف العين
لحظة ..
وخاطرك قلبه
تعلل ..
ما يظل فنجان باسم ..
والأماني ..
كلها تصبح طلاسم ..
في عيوني ..
والأريكه تصير عالم ..
من لهايب ..
مالها قلب ٍ مسالم ..
لاإتعــجل ..
قبلما تنثر من الغيمة رذاذ
ألف مرة احسب حساب
الزهر ..
اللي بيزعل ..
والهوى الملفوف بخيوط الفرح
فرحه .. بيرحل
يصبح العالم بهاللحظة كفيف ..
والقرنفل في خدودي
تقتله ايدين الخريف ..
لأنها لحظة تماديك بدلالك ..
كنها فصل الخريف ..
لاتمادى يا بعدهم ..
قلب من حبـّك
ضعيف ..
مثلما قلبك ضعيف ..
ليست هناك تعليقات:
إرسال تعليق