ألـــف رحـــمة

ما بكيــــــت ولا شكا قلبي البعــاد
دامني في البـــعد بالي مستريــح

ما بكا قلبي ولا أعلـــن حــــداد
مو جديد الجرح من عمره جريح

الحديــــد اللي عليــــه الدق زاد
ينصهر و شلون قلبي ما يصيــح

والجماد اللي يسمونـــه جمــــاد
من قســـاوة دنيته ممكن يطيح

الغريــــب اني بي جروح ٍجـــداد
من حبايب حبهم فينــي صريـــح

الفــــؤاد تغـــــير تحـــول رماد
ألف رحمة عالذي أصبح ذبيح