انفعالاتــي بكيــفي

أتعـب من شعور التصنع وابتسامات الحمـاقة
وأرتـاح أنا لمـّا أمــارس انفعالاتـــي بكيـــفي

عادي أتعامـل بطبعي وأرفع أعلام الصداقة
وأتخيــّل إني فارس والقلـم والحبــر سيــفــي

المهم يكون بيني وبين نفسي فــي عـلاقــــة
وفي ربيعي أتفتـح وأنثــر شعاعي بصيـفــي

مو مهم أكون وردة في مجـــلات الأنــــاقة
المهم أكون حـُرة ويبهر الكتـــّاب طيفـــــي

لو يكون الشعر طاقة .. داخلي مليون طاقة
لو يكون الحب خصمي فالهوى الصافي حليفي

يارغيف ابداع ذاتي علم أجيــــال الملاقة !
اللي مهما ياكلونك .. ماتخلص .. يا رغيفي!