ليتني أرجـــع جنيـــن !

يما .. ليه انتي عظيمة في عيوني ؟ وليه أنا
كلما الأيام تمضــــي في عيوني تصبحيــــن

أجمل..أكمل..أروع..أفضل .. من (تعابير الهنا)
أرقى..أعلى..أثمن..أغلى .. من ( جميع الغاليين)

الغنا ماهو رصيدي من الدنانير .. الغنــــا
إن قلبج مع عيونج يالحبيـــبة .. راضيين

القمر يعني كريم بمدت خيوط السنـــا
ما درا إنج نجوم ٍ دايــــمة ما تنطفين

لو بسطتيها كفوفج .. كل كف ثاني انثنا
منهو يعطي كثر ما انتي بالعطايا تسهبين ؟

ولو لمستي هالقصيدة حرفها القاصي .. دنا
وده يلامس حرير ٍ داخل كفوفج سجين

خل يغيب الكون لكن .. ربي يخلي لنــا
وجه امي وابتسامه .. وليتني أرجع جنين !

اربعه وعشرين ساعه .. مالها غيري أنا
وأربعه وعشرين ساعه ..أرتوي منها حنين